रुकुम पश्चिम मुसीकोट नगरपालिकाका गठबन्धनको उम्मेदवारहरुले घरदैलो कार्यक्रम जारी राखेका छन् । माओवादी केन्द्रको तर्फबाट मुसीकोट नगर प्रमुखका उम्मेदवार वसन्तकुमार शर्मा, उपप्रमुखका उम्मेदवार विमलकुमार पुन लगायतको टोलिले घरदैलो जारी राखेको छ । १ नम्बर वडाको सालघारी, ३ नम्बर वडाको पिपलनेटा, माछिमी र ३ नम्बर वडाकै छेरामा चुनावी सभा सम्पन्न भएको छ ।

घरदैलोको क्रममा सर्वसाधारणले विकास निर्माण नपुगेको र त्यसलाई पुर्याउनुपर्ने माग गरेका छन् । घरदैलो तथा चुनावी सभामा बोल्दै प्रमुखका उम्मेदवार शर्माले आधारभुत विकास भएको र यसलाई थप व्यवस्थित बनाउन माओवादी र समाजवादी गठबन्धनका उम्मेदवारलाई विजयी बनाउन आग्रह गर्नुभयो । संघीयता, गणतन्त्र र संविधानको पूर्ण कार्यालयका लागि आफूहरुलाई मतदान गर्न शर्माले अनुरोध गर्नुभएको छ ।