रुकुम पश्चिमको मुसीकोट नगरपालिकामा नेकपा माओवादी केन्द्र, नेकपा एकीकृत सामाजवादी र जनता समाजवादी पार्टी विच तालमेलको सहमति भएको छ । माओवादी र नेकपा एस विच यसअघि नै गठबन्धन भएको थियो । आज जनता समाजवादी पार्टी पनि गठबन्धनमा जोडिएको हो । 

नेकपा माओवादी केन्द्रका मुसीकोट नगर अध्यक्ष धिरन सिर्पाली विमर्श, नेकपा एकीकृत समाजवादी पार्टीका मुसीकोट नगर अध्यक्ष दिपकराज खड्का र जनता समाजवादी पार्टी नेपालका मुसीकोट नगर अध्यक्षले सहमतिमा हस्ताक्षर गर्नुभएको छ । एक विज्ञप्ती जारी गरेर यसबारेमा जानकारी गराईएको हो । 

तीन पार्टीले गठबन्धनका उम्मेदवारलाई विजयी गराउन तीन वटै पार्टीका नेता, कार्यकर्ताहरु सम्मिलित संयुक्त निर्वाचन परिचालन समिति गठन गरी एकताबद्ध भएर निर्वाचन प्रचारप्रसार अभियानमा लाग्ने निर्णय भएको छ । मुसीकोट नगरपालिकाको प्रमुखमा माओवादीका तर्फबाट बसन्तकुमार शर्मा कुशल र उपप्रमुखमा नेकपा एसबाट बिमलकुमार पुनको उम्मेदवारी परेको छ ।