नेपाल कम्युनिष्ट पार्टी माओवादी केन्द्र मुसीकोट नगरपालिका वडा नम्बर ६ ले चुनावी प्रचार प्रसार अभियानलाई तिव्रता दिएको छ । चुनावी प्रचार प्रसार अभियान अन्तर्गत आज वडाको पोखरा बसीबाङ, भालडाडा र मेलचौर टोलमा टोलभेला तथा जभेटघाट कार्यक्रम सम्पन्न गरेको छ ।

भेलामा बोल्दै माओवादी केन्द्र मुसीकोट नगरपालिका वडा नम्बर ६ का वडा अध्यक्षका उम्मेद्धार भानु मल्लले वडाको बिकास र समृद्धिका लागी माओवादी केन्द्रले जित्नै पर्ने बत्ताउनुभयो । परिर्वतनकारी शक्तिहरुलाई जिताउन आग्रह गदै त्यो परिवर्तनकारी शक्तिहरु आफुहरु मात्र भएको दाबी गर्नुभयो ।

वडाले भौतिक पुर्वाधार तर्फ फड्को मारेको र अब आफुहरु वडालाई आर्थिक समृद्धिको यात्रामा अगाडी बढाउन लागि रहेको वडा सदस्यका उम्मेदवार अनिल बुढाले बताउनुभयो । अभियानमा माओबादी केन्द्रका जेष्ठ कम्युनिष्ट मञ्चका केन्द्रिय सदस्य गम्मसिह बोहरा, वडा इन्चार्ज नारायण केसी, नेता कार्यकर्ता तथा वाईसीयल लगायतको उपस्थिति रहेको थियो ।