रुकुम पश्चिमको मुसीकोट नगरपालिकाको नगरप्रमुखमा उम्मेदवारी दिएका विरवल केसीले उम्मेदवारी फिर्ता लिनुभएको छ । नेपाली कांग्रेसका नेता समेत रहेका केसीले वागी उम्मेदवारी दर्ता गराउनुभएको थियो । आज उम्मेदवारी फिर्ताको दिन मुख्य निर्वाचन अधिकृतको कार्यालयमा पुगेर उहाँले उम्मेदवारी फिर्ता लनुभएको हो ।

वडा नम्बर १ को अध्यक्ष रहेका केसीले पुनः १ नम्बर वडामै उम्मेदवार हुनका लागि राजिनामा दिनुभएको थियो । तर पार्टीले अर्कैलाई टिकट दिएपछि असन्तुष्ट बनेका केसीले नगरप्रमुखमा उम्मेदवारी दिनुभएको भएको थियो । यसबीचमा नेपाली कांग्रेसका नेताहरुसँग छलफल भएपछि उहाँले उम्मेदवारी फिर्ता लिनुभएको हो ।