रुकुम पश्चिमको मुसीकोट नगरपालिकाको प्रमुखका लागि उम्मेदवारी दिएका ४ जनाले नाम फिर्ता लिएका छन् । आज मुख्य निर्वाचन अधिकृतको कार्यालयमा पुगेर ४ जना नगर प्रमुख सहित १८ जनाले उम्मेदवारी फिर्ता लिएको मुख्य निर्वाचन अधिकृत कार्यालयका सहायक निर्वाचन अधिकृत बिष्णुप्रसाद पौडेलले जानकारी दिनुभयो । 

कांग्रेसका तर्फबाट बागी उम्मेदवारी दिएका बिरबल केसी, एमालेका तर्फबाट नगर प्रमुखका उम्मेदवार अञ्जना चन्द, राप्रपाबाट उम्मेदवारी दिएका नविन मल्ल र जनता समाजवादी पार्टीका उम्मेदवार प्रेम बोहराले उम्मेदवारी फिर्ता लिनुभएको उहाँले बताउनुभयो । त्यस्तै कांग्रेसबाट उप प्रमुखकी उम्मेदवार निर्मला गिरीले पनि उम्मेदवारी फिर्ता लिनुभएको छ ।