रुकुम पश्चिमको आठबीसकोट नगरपालिकामा २ जना वडा सदस्य निर्विरोध निर्वाचित भएका छन । नेकपा माओवादी केन्द्रबाट उम्मेदवारी दिएका एक जना जना दलित महिला सदस्य र एक जना महिला सदस्य निर्विरोध निर्वाचित भएको सूचना निर्वाचन अधिकृतको कार्यालयले टाँस गरेको छ ।

२ नम्बर वडाको दलित महिला सदस्यमा जुनकुमारी विक निर्विरोध निर्वाचित हुनु भएको छ । यस्तै ८ नम्बर वडाको महिला सदस्यमा उम्मेदवारी दिनुभएकी शशि पुन मगर पनि निर्विरोध निर्वाचित हुनु भएको छ । अरु कुनै पनि राजनीतिक दल तथा स्वतन्त्र उम्मेदवारी नपरेपछि उनिहरु स्वःत निर्विरोध निर्वाचित भएका हुन् ।

यो सहित रुकुम पश्चिममा ३ जना माओवादीका उम्मेदवार निर्विरोध निर्वाचित भएका छन् । चौरजहारी नगरपालिका ८ की दलित महिला सदस्य रश्मी विक सार्की निर्विरोध निर्वाचित हुनु भएको छ । स्थानीय तह निर्वाचन ऐन २०७३ को दफा २५ बमोजिम उनिहरु निर्विरोध निर्वाचित भएको निर्वाचन अधिकृतको कार्यालयले जनाएको छ ।