रुकुम पश्चिमको आठबीसकोट नगरपालिकाका माओवादी कार्यकर्ता नेपाली कांग्रेस प्रवेश गरेका छन् । नेपाली कांग्रेसको चुनावी अभियानका क्रममा २ जना माओवादी कार्यकर्ता कांग्रेसमा प्रवेश गरेको कांग्रेसले जनाएको छ । कर्णबहादुर आग्री र मिन बटाला माओवादी छाडेर कांग्रेस प्रवेश गरेका हुन् ।

नगरपालिकामा दलहरु निर्वाचनमा केन्द्रित भएका छन् । माओवादी केन्द्र एक्लै चुनावी मैदानमा छ भने कांग्रेस, एमाले र एकीकृत समाजवादीको सयुंक्त गठबन्धन एक भएर निर्वाचनमा होमिएको छ । माओवादीबाट रवि केसी प्रमुख र धनकुमारी शाही उपप्रमुखको उम्मेदवार छन् भने कांग्रेसबाट प्रमुखमा धिरेन्द्रकुमार बटाला, उपप्रमुखमा एमालेका दिनेश चन्द चुनावी मैदानमा छन् ।