रुकुम पश्चिमको मुसीकोट नगरपालिका वडा नम्बर २ को ठूलाखोला टोलमा नेकपा माओवादी केन्द्रको सहायक संगठन वाईसीयल नेपालको भेला सम्पन्न भएको छ । भेलामा चुनावी प्रचार र पार्टीका उम्मेदवारलाई विजयी गराउने विषयमा छलफल भएको थियो । 

भेलामा चुनावी प्रचार कसरी गर्ने र चुनावी प्रचारलाई व्यवस्थित गर्ने विषयमा नेकपा माओवादी केन्द्रका तर्फबाट मुसीकोट २, का वडा अध्यक्षका उम्मेदवार दलबहादुर खड्काले प्रशिक्षण दिनुभएको थियो । उहाँले पार्टीका सबै उम्मेदवारलाई विजयी गराउने गरी खटिन युवाहरुलाई निर्देशन दिनुभएको छ । 

साथै भेलाबाट चुनावी प्रचारका लागि ४ वटा टीम निर्माण गरिएको छ । जसमा दुई टिम प्रचार विभाग, एक प्रचार प्रचार व्यवस्थापन र अर्को टिम परिचालन विभाग रहेको छ । भेलामा खुला वडा सदस्यका उम्मेदवार हर्कबहादुर थापा, नरबहादुर खड्का लगायत १ सय ५० जना युवाहरुको उपस्थिति रहेको थियो ।