नेपाली कांग्रेस र नेकपा एमालेको सयुंक्त गठबन्धनले रुकुम पश्चिमको मुसीकोट नगरपालिकामा चुनावी अभियान जारी राखेको छ । नगरप्रमुखका उम्मेदवार कांग्रेसका महेन्द्र केसी, उपप्रमुखका उम्मेदवार एमालेका थलबहादुर ओली लगायतको उपस्थितिमा टोल, वस्ति र वडा वडामा चुनाव प्रचार प्रसारको काम भइरहेको हो ।

१, २, ३ नम्बर वडाका विभिन्न टोल, तथा वस्तिमा प्रचार प्रसार तथा विभिन्न कार्यक्रम गरिरहेको कांग्रेस चुनाव प्रचार प्रसार समितिले जनाएको छ । मुसीकोट नगरपालिकामा कांग्रेस एमालेले गठबन्धन गरेर चुनावमा गएका छन् । ४, ६, ७ र ९ नम्बर वडामा एमालेका वडाध्यक्षहरु चुनावी मैदानमा छन् भने अरु १० वडामा कांग्रेसकै वडाध्यक्षहरु चुनावी मैदानमा छन् । नगरप्रमुखकका उम्मेदवार महेन्द्र केसीले चुनावी कार्यक्रमहरु निरन्तर भइरहेको जानकारी दिनुभयो ।