नेकपा माओवादी केन्द्र त्रिवेणी गाउँपालिका वडा नम्बर २ रुकुम पश्चिमले चुनावी  प्रचारप्रसार अभियानलाई जारी राखेको छ । आइतबार वडा नम्बर २ को सिम्रुतु डाँडा बर्खेटाकुरा टोलमा चुनावी घरदैलो तथा जनभेटघाट गरेको माओवादी केन्द्र बडा नम्बर २ ले आज भने सोहि वडाको बादरपानीमा घरदैलो तथा जनभेटघाट कार्यक्रम गरेको हो ।

कार्यक्रममा बोल्दै  वडा अध्यक्षका उम्मेदवार मोतिराम पुनले वडामा सडकको विकास पहिलो स्थानीय सरकारले राम्रो गरेको तर बाह्रै महिना चल्ने गरी आफुले सडकको  स्तर उन्नति गर्ने बताउनुभएको छ । २ नम्बर वडाको केही ठाउँमा खानेपानीको समस्या भएपनि थप व्यवस्थित गर्दै खानेपानीको समस्या हुन नदिने बताउनुभएको छ ।

लिफटिङ प्रविधि मार्फत लसुने खोलाको पानी बाँदरपानी टोलमा ल्याउने तयारी भैरहेकाले थप व्यवस्थित गरेर खेति गर्ने किसानका लागि सिँचाईको व्यवस्था मिलाई कृषि उत्पादनमा जोड दिइने वडा अध्यक्षका उम्मेदवार पुनले बताउनुभयो । समृद्ध वडा नम्बर २ को विकासको लागि माओवादी केन्द्रलाई नै विजयी बनाउन पनि मतदातालाई अनुरोध गर्नुभएको छ ।

घरदैलो तथा जनभेटघाट कार्यक्रममा वडा सदस्यका उम्मेदवार   पालिका पार्टी  सचिवालय  सदस्य सोभाराम बोहरा २ नम्बर पार्टी अध्यक्ष तुल्सिराम बुढाथोकी  वाइसियल लगाएतको उपस्थिति रहेको थियो । जनभेटघाट तथा घरदैलो अभियान निरन्तर चलिरहने माओवादी केन्द्र त्रिवेणी २ ले जनाएको छ ।