नेकपा माओवादी केन्द्र मुसीकोट नगरपालिका २ ले चुनावी प्रचारलाई तिव्रता दिएको छ । वडा अध्यक्ष, सदस्यका उम्मेदवार तथा नेता, कार्यकर्ताहरुको सभाभागितामा माओवादीले वडामा घरदैलो, जनभेटघाट तथा चुनावी सभाहरु गरिरहेको छ । 

चुनावी प्रचारका क्रममा वडाध्यक्षका उम्मेदवार दलबहादुर खड्काले नेपाली कांग्रेसका उम्मेदवार तथा नेता कार्यकर्ताका विचमा बसेर खाना खानुभएको छ । मैत्रीपूर्ण र शान्तिपूर्ण रुपमा चुनावी मैदानमा रहेको सन्देश दिन भन्दै आफुले कांग्रेसको मेसमा बसेर खाना खाएको अध्यक्षका उम्मेदवार खड्काले बताउनुभयो । 

खड्काले वडाको रावउखेतमा कांग्रेसका उम्मेदवार तथा नेता कार्यकर्ताहरुसंग बसेर खाना खानुभएको हो । यो सामान्य कुरा भएपनि यसले ठूलो सन्देश दिएको उहाँको भनाई छ । सो क्रममा आफुले कांग्रेसका कार्यकर्ताहरुसंग मत समेत मागेको उहाँले बताउनुभयो । 

वडा नम्बर २ मा नेपाली कांग्रेसका तर्फबाट दिनेश खड्का र माओवादीबाट दलबहादुर खड्काको टिम चुनावी मैदानमा छ ।