रुकुम पश्चिमको बाँफिकोट गाउँपालिकाका ४ जना कांग्रेस कार्यकर्ता माओवादी केन्द्रमा प्रवेश गरेका छन् । १० नम्बर वडाको गाराबाङमा माओवादी केन्द्रले गरेको चुनावी घरदैलो तथा भेटघाटका क्रममा उनिहरु कांग्रेस छाडेर माओवादीमा प्रवेश गरेका हुन् । भिमबहादुर नेपाली, दुर्गबहादुर नेपाली, कर्णबहादुर नेपाली र नन्दे नेपाली माओवादी केन्द्रमा प्रवेश गरेका हुन् ।
उनिहरुलाई माओवादी केन्द्रका केन्द्रीय सदस्य महेन्द्र केसी, माओवादी केन्द्रका पालिका अध्यक्षका उम्मेदवार चन्द्रबहादुर केसी, उपाध्यक्षका उम्मेदवार तारा बुढा केसी लगायतले पार्टी प्रवेश गराउनुभएको हो । माओवादी केन्द्र बाँफिकोटले प्रचार प्रसार कार्यक्रमलाई तिव्रता दिएको छ । यसैक्रममा उनिहरुले पार्टी प्रवेश गरेको प्रचार प्रसार समितिका सदस्य किरण विकले जानकारी दिनुभयो । मंगलबार मात्रै एमालेका प्रेम देवकोटा, शान्तबहादुर बोहरा, राप्रपाका चक्रबहादुर चन्द माओवादी केन्द्रमा प्रवेश गर्नुभएको थियो ।
