नेकपा माओवादी केन्द्र मुसीकोट नगरपालिका २ ले चुनावी प्रचारलाई जारी राखेको छ । वडाका विभिन्न टोलमा पार्टीले चुनावी प्रचारलाई तिव्रता दिएको छ । सो क्रममा आज वडाको बाद्य टोलमा चुनावी प्रचार सम्पन्न भएको छ । नेकपा माओवादी केन्द्रका जिल्ला समन्वय समिति सदस्य बिष्णुप्रकाश खड्काको प्रमुख आतिथ्यता रहेको कार्यक्रममा नेकपा माओवादी केन्द्रका २ नम्बर वडाध्यक्षका उम्मेदवार दलबहादुर खड्का, सदस्यका उम्मेदवारहरु नरबहादुर खड्का, हर्कबहादुर थापा लगायतको उपस्थिति रहेको थियो । 

सो क्रममा वडाध्यक्षका उम्मेदवार दलबहादुर खड्का सामाजिक, आर्थिक, भौतिक पक्षमा रुपान्तरण, दिगो विकास, शान्ति, समृद्धि जस्ता विषयमा आफु प्रतिबद्ध रहेको बताउनुभएको थियो । वडाको महार फेरिने गरी काम गर्ने उहाँले बताउनुभयो । आफु र आफ्नो नेतृत्वको टिमलाई विश्वास गरेर विजयी गराउन उहाँले मतदातालाई आग्रह गर्नुभएको थियो । वडा समिति उपाध्यक्ष डण्डबहादुर खड्काको अध्यक्षतामा भएको कार्यक्रमको सञ्चालन प्रेस सेन्टर नेपाल मुसीकोटका कोषाध्यक्ष खिमला पुनले गर्नुभएको थियो ।।