नेपाली कांग्रेस र नेकपा एमालेको गठबन्धन प्यानलको चुनाव प्रचार प्रसार कार्यक्रम रुकुम पश्चिमको मुसीकोट नगरपालिका ९ मा सम्पन्न भएको छ । विहान ९ नम्बर वडामा कांग्रेस एमालेले चुनाव प्रचार प्रसार कार्यक्रम सम्पन्न गरेका हुन् । नगरप्रमुखका उम्मेदवार नेपाली कांग्रेसका महेन्द्र केसी, उपप्रमुखमा उम्मेदवार नेकपा एमालेका थलबहादुर ओली लगायतको उपस्थितिमा कार्यक्रम सम्पन्न भएको नेपाली कांग्रेसको प्रचार प्रसार समितिले जनाएको छ ।

कार्यक्रममा सहभागिहरुले विभिन्न माग र समस्या राखेका थिए । माग तथा समस्या समाधानमा सकारात्मक भएको भन्दै नगरप्रमुखकका उम्मेदवार महेन्द्र केसीले आफूहरुलाई मतदान गर्न आग्रह गर्नुभयो । कांग्रेस एमालेले १४ वटै वडामा प्रचार प्रसारलाई तीब्र पारेका छन् । उनिहरुले १४ वटै वडामा गठबन्धन पनि गरेका छन् । ४ वडामा एमालेका वडाध्यक्षका छन् भने १० वडामा कांग्रेसका वडा अध्यक्ष उठेका छन् ।