रुकुम पश्चिमको मुसीकोट नगरपालिका वडा नम्बर ३ मा शनिबार कांग्रेस प्रवेश गरेका मध्ये ३ जना माओवादीमा फर्किएका छन् । युवराज केसी, नविन केसी, बलबहादुर केसी र भिमबहादुर केसी पार्टीमा फर्किएको नेकपा माओवादी केन्द्र मुसीकोट ३ का अध्यक्ष राजु बिकले जानकारी दिनुभयो । 

यो वाहेक एक जना कांग्रेस परित्याग गरी मदन केसी माओवादीमा प्रवेश गरेको उहाँले बताउनुभयो । उहाँहरुलाई आज अर्थमन्त्री तथा माओवादी नेता जनार्दन शर्मा प्रभाकरले पार्टीमा स्वागत गर्नुभयो । शनिबार कांग्रेस प्रवेश गरेका अन्य पनि फर्किने क्रममा रहेको बिकले बताउनुभयो । 

आफुहरुलाई झुक्याएर प्रवेश गराएको भन्दै उनिहरु फिर्ता हुने क्रम जारी रहेको अध्यक्ष विकको भनाई छ । शनिबार माओवादी र राप्रपाबाट एक दर्जन बढी नेपाली कांग्रेसमा प्रवेश गरेका थिए ।