Kakhara सबैको खबर सम्पूर्ण खबर
पेल्मा र धर्मशाला मतदान केन्द्रमा कर्मचारी खटिए 

रुकुम पूर्वको पुथाउत्तरगंगा गाउँपालिका वडा नम्बर १ र २ का दुई वटा मतदान केन्द्रमा कर्मचारी खटिएका छन् । स्थानीय तहको निर्वाचनका लागि वडा नम्बर १ को पुथा हिमालय मावि धर्मशाला र वडा नम्बर २ को प्रावि पेल्मा मतदान केन्द्रका लागि आज सदरमुकाम रुकुमकोटबाट कर्मचारीहरु खटिएर गएका हुन् । 

मतदान अधिकृत, सहायक मतदान अधिकृत, कार्यालय सहयोगी र सहायक कर्मचारी खटिएको जिल्ला निर्वाचन कार्यालयका निर्वाचन अधिकारी तेजकुमार ओलीले जानकारी दिनुभयो । सदरमुकामबाट टाढाको दुरिमा रहेका कारण उक्त दुई निर्वाचन केन्द्रमा आजै मतपत्र तथा आवश्यक निर्वाचन सामाग्रि सहित कर्मचारी खटिएर गएको उहाँको भनाई छ । 

रुकुम पूर्वमा कुल ४९ वटा मतदान केन्द्रहरु रहेका छन् । जिल्ला भरमा कुल २ सय ३६ जना कर्मचारीहरु खटिदै छन् । यस वाहेक प्रत्येक मतदान केन्द्रमा ३ जना स्वयमसेवक खटिने छन् । नियुक्ति सहित कर्मचारी खटन पटनको काम सुरु भएको मुख्य निर्वाचन अधिकृतको कार्यालय रुकुम पूर्वले जनाएको छ ।
 

प्रकाशित मिति: आइतबार, वैशाख २५, २०७९  २०:२७
प्रतिक्रिया दिनुहोस्
Weather Update