मुसीकोट नगरपालिका–७, साँखमा हरेक वर्ष लाग्ने परम्परागत ‘पापिनी’ मेलाको अवसरमा यो वर्ष पनि खेलकुद प्रतियोगिताहरु हुने भएका छन् । स्थानीय ठुली दह युवा क्लबले पुरुष भलिबल र पुरुष डबल ब्याडमिन्टन प्रतियोगिता आयोजना गरेको छ । भलिबल वडा स्तरीय हुने छ भने ब्याडमिन्टन खुला रुपमा आयोजना गरिएको छ ।

माघ १४ गतेबाट सुरु हुने प्रतियोगिता अन्तरगत पुरुष भलिबलको विजेताले नगद ५१ हजार, उप विजेताले २६ हजार र तेस्रो हुने टिमले नगद १६ हजार प्राप्त गर्ने छ । भलिबलको दर्ता शुल्क ५ हजार तोकिएको छ । त्यस्तै एक हजार दर्ता शुल्क तोकिएको ब्याडमिन्टनमा प्रथम हुनेले १५ हजार, दास्रोले ८ हजार र सेमिफाईनलमा पुग्ने दुई जोडिले नगद ३/३ हजार पुरस्कार प्राप्त गर्ने ठुली दह युवा क्लवका अध्यक्ष दिपेन्द्र बुढामगरले जानकारी दिनुभयो । प्रतियोगितामा भाग लिन चाहनेले १४ गते बिहानसम्म टिम दर्ता गराउन सक्ने र उद्घाटन सोही दिन दिउँशो २ बजे हुने उहाँले बताउनुभयो ।