नेपाल मगर संघ रुकुम पश्चिमको अध्यक्षमा अकविर घर्ती मगर चयन हुनु भएको छ । जिल्ला सदरमुकाम खलंगामा भएको छैठौं जिल्ला अधिवेशनले घर्तीको अध्यक्षतामा २५ सदस्यीय जिल्ला कार्य समिति चयन गरेको छ । नेपाल मगर संघ विभिन्न पार्टीसँग आस्थावान मगर संघ, संगठनको छाता संगठन हो ।

अधिवेशनले उपाध्यक्षमा हुकुमबहादुर पुन मगर, सचिवमा टेकबहादुर पुन मगर, सह सचिवमा रञ्जित पुन मगर र कोषाध्यक्षमा विमल बुढा मगरलाई चयन गरेको छ । नेपाल मगर संघका केन्द्रीय उपाध्यक्ष तेज तारामी मगरको प्रमुख उपस्थितिमा अविधेशन सम्पन्न भएको हो । अधिवेशनमा केन्द्रीय सदस्य कर्णाली इन्चार्ज खगेन्द्र पुन, आदीवासी जनजाती नेता पहलसिङ, घर्ती मगर, गोविन्द बुढा मगर लगायतको आतिथ्यता रहेको थियो ।