Kakhara सबैको खबर सम्पूर्ण खबर
मौन अवधिको उलंघन गरेर वडा सदस्य सहित ५ जनामाथी कुटपिट
उपचाररत घाइते ।

रुकुम पश्चिमको चौरजहारी नगरपालिका वडा नम्बर १० मा वडा सदस्यका उम्मेदवार सहित ५ जनामाथि कुटपिट भएको छ । नेपाली कांग्रेसका कार्यकर्ताले माओवादी केन्द्रको तर्फबाट वडा सदस्यका उम्मेदवार तुल्सीराम बुढा सहित कांग्रेसका कार्यकर्ता जुद्धबहादु घर्ती, कमल केसी, हरिबहादुर रोकाय र सौगात रोकायलाई कुटपिट गरेका हुन् ।

अरु वडाका मान्छेहरु समेत बोलाएर कांग्रेसका वडाध्यक्षका उम्मेदवार गणेशमान डाँगी नेतृत्वको टोलीले आफूहरुमाथी कुटपिट गरेको घाइते वडा सदस्य बुढाले जानकारी दिनुभयो । कांग्रेस कार्यकर्ताले माओवादी केन्द्रको तर्फका वडाध्यक्षका उम्मेदवार विरेन्द्र रोकाय र सौगात रोकायलाई ४ देखि ५ घण्टा बन्धक बनाएका थिए । पछि नेपाल प्रहरी र सशस्त्र प्रहरीले उनिहरुलाई उद्दार गरेको थियो । प्रहरीले कांग्रेसको वडाध्यक्षका उम्मेदवार डाँगी र माओवादीको वडाध्यक्ष उम्मेदवारलाई चौरजहारी लिएर छाडेको छ  । 

प्रकाशित मिति: बिहीबार, वैशाख २९, २०७९  ०९:००
प्रतिक्रिया दिनुहोस्
Weather Update