रुकुम पश्चिमको चौरजहारी नगरपालिकाको मत गणना स्थलमा फलामको बार लगाईएको छ । सुरक्षा संवेदनशिलतालाई ध्यानमा राखेर फलामको बारले मतगणना स्थललाई बारिएको छ । नगरपालिकाको नयाँ भवनको हलमा मत गणना हुँदै छ । 

फलामका ग्रिलले मत गणना स्थललाई सुरक्षा दिईएको निर्वाचन अधिकृत द्रोणदत्त पौडेलले जानकारी दिनुभयो । कुनैपनि किसिमको जोखिम नहोस भनेर मतगणना स्थलमा सुरक्षा व्यवस्था कडा बनाईएको उहाँले बताउनुभयो । मत गणना स्थलमा सिसी क्यामेरा जडान गर्नुका साथै फलामको बार लगाईएको उहाँको भनाई छ । 

मत गणना स्थल भित्र कोही पनि बाहिरको व्यक्ति छिर्न नसक्ने गरी व्यवस्था मिलाईएको उहाँले बताउनुभयो । यसले मत गणनालाई सुरक्षित बनाउने उहाँको विश्वास छ ।