रुकुम पूर्वको एक मतदान केन्द्रमा मध्यान्हबाट मात्र मतदान सुरु भएको छ । जिल्लाको पुथाउत्तरगंगा गाउँपालिका वडा नम्बर २ को प्रावि पेल्मा मतदान केन्द्रमा मध्यान्ह १२ बजेर ५ मिनेट देखि मतदान सुरु भएको जिल्ला निर्वाचन कार्यालय रुकुम पूर्वले जनाएको छ । बिहान ७ बजेबाटै मतदान सुरु हुनुपर्ने भएपनि दलिय सहमति नहुदा मतदान सुरु हुन ढिलाई भएको जिल्ला निर्वाचन अधिकारी तेजकुमार ओलीले जानकारी दिनुभयो ।

दलिय सहमति मार्फत मध्यान्ह १२ बजेर ५ मिनेटबाट मतदान सुरु भएको र अहिले धमाधम मतदान भइरहेको उहाँले बताउनुभयो । हिजो दलहरुका विचमा झडप भएको र उक्त विवादका कारण आज दलिय सहमति नजुट्दा ढिलो गरी मतदान सुरु भएको उहाँको भनाई छ । उक्त मतदान केन्द्रको मतदान अधिृकतमा पूर्णप्रसाद ढकाल रहनुभएको छ भने उक्त केन्द्रमा मतदाता संख्या ४ सय ९२ रहेको छ ।