रुकुम पश्चिमको सानीभेरी गाउँपालिका वडा नम्बर २ मा पनि माओवादी केन्द्रको प्यानल विजयी भएको छ । यो वडा अध्यक्षमा नेकपा माओवादी केन्द्रका मानबहादुर पुन विजयी भएका छन् । उनले ४ सय ८२ मत ल्याउनुभयो । उहाँका प्रतिद्धन्दि नेपाली कांग्रेसका दिनेश विकले २ सय २१ मत पाउनुभयो । वडा सदस्यहरुमा पनि माओवादी केन्द्रका गंगादेवि पुन, आशा खमाई, तिखे पुन र धने कामी विजयी हुनुभएको छ । वडा नम्बर १ मा पनि माओवादी केन्द्रको प्यानलै विजयी भएको थियो ।
२ वडाको मत गणना सकिदासम्म गाउँपालिका अध्यक्ष र उपाध्यक्ष दुवैमा माओवादी केन्द्रका उम्मेदवारले फराकिलो मतान्तर बनाएका छन् । अध्यक्षमा माओवादी केन्द्रका बिर्खबहादुर बिष्टले १ हजार ३२ मत ल्याएर अग्रता कायम गर्दा नेपाली कांग्रेस–एमाले गठबन्धनबाट कांग्रेसका गोरखप्रसाद चन्दले ४ सय ८२ मत पाउनुभएको छ । उपाध्यक्षमा माओवादी केन्द्रकी कमला रोकाले १ हजार ३५ मत पाउँदा कांग्रेस–एमाले गठबन्धनबाट एमालेका प्रकाश खड्काले ३ सय ७ मत पाउनुभएको छ ।
