रुकुम पश्चिमको आठबीसकोट नगरपालिकामा मत गणना सुरु भएको छ । सवै वडाबाट मतपेटिका संकलन हुन समय लागेका कारण ढिलो गरी मतगणना सुरु भएको हो । वडा नम्बर ९ को राडीमा रहेको नगरपालिकाको हलमा गणना सुरु भएको हो । १ नम्बर वडाबाट गणना सुरु भएको निर्वाचन अधिकृतको कार्यालयले जनाएको छ । वडा नम्बर १, २, ३, ४, ५, ६ लगायतका वडाबाट मतपेटिका आईपुग्न ढिलाई भएको थियो ।
नगरपालिकामा १४ वटा वडा रहेका छन् । जिल्लाका ६ स्थानीय तह मध्येमा अव बाँफिकोट गाउँपालिकामा मतगणना सुरु हुन बाँकी छ । दलिय सहमति नहुँदा मतगणना सुरु हुन नसकेको बताईएको छ । नेपाली कांग्रेसका अध्यक्षका उम्मेदवार जनकुमार बाँठाले प्रयोग गरेको गाडीले एक जना मतदातालाई ठक्कर दिँदा मृत्यु भएपछिको घटनाकै कारण मतगणनामा ढिलाई भएको हो ।
वडा नम्बर ७ को ढारवाङ मतदान केन्द्रमा मतदानका लागि पुगेका ६० वर्षिय पर्जे खत्रीको बाँठाले प्रयोग गरेको गाडिले ठक्कर दिँदा मृत्यु भएको थियो ।
