रुकुम पश्चिमको सानीभेरी गाउँपालिका वडा नम्बर ३ मा पनि नेकपा माओवादी केन्द्रको प्यानल विजयी भएको छ । वडाध्यक्षमा नेकपा माओवादी केन्द्रका जगदिश नकाल सहित प्यानल नै विजयी भयो । वडा नम्बर ३ मा १ हजार ६ सय ७४ खसेकोमा वडाध्यक्षमा ९ सय १२ मत ल्याएर नकाल विजयी हुनुभयो । 

निकटम प्रतिद्धन्दि नेपाली कांग्रेसका विनोद ओलीले ६ सय ३८ र नेकपा एमालेका नरबहादुर पुनले १८ मत पाउनुभएको छ । वडा सदस्यहरु कृष्णा खत्री, कस्तुरा विक, गंगे खड्का र देवबहादुर कामी विजयी हुनुभएको छ । यसअघि वडा नम्बर १ र २ मा पनि नेकपा माओवादी केन्द्रको प्यानल विजयी भएको थियो ।  

कांग्रेस–एमालेले गठबन्धन गरेको सानीभेरीमा ११ मध्ये ३ वडाको मत गणना सकिदासम्म अध्यक्ष र उपाध्यक्ष दुवैमा माओवादी केन्द्रले फराकिलो अग्रता लिईरहेको छ । अध्यक्षमा विर्खबहादुर विष्ट २ हजार १३ मत सहित अगाडी हुनुहुन्छ । कांग्रेस–एमाले गबन्धनबाट कांग्रेसका गोरख प्रसाद चन्दले १ हजार ५३ मत पाउनुभएको छ ।

गाउँपालिका अध्यक्षमा जसपाका मिमकुमार ओलीले ९ मत पाउँदा राप्रपाका टंकप्रकाश घर्तीले २६ मत पाउनुभएको छ । उपाध्यक्षमा नेकपा माओवादी केन्द्रकी कमला रोका १ हजार ९ सय ९४ मत सहित अग्रस्थानमा हुनुहुन्छ भने कांग्रेस–एमाले गठबन्धनबाट प्रकाश खड्काले ७ सय ३५ मत पाएको निर्वाचन अधिकृतको कार्यालयले जनाएको छ ।