रुकुम पश्चिमको त्रिवेणी गाउँपालिका वडा नम्बर ४ मा पनि कांग्रेसको प्यानलै विजयी भएको छ । कांग्रेसका नन्नाराम बाँठाले जीत हात पारे । बाँठाले ५ सय १६ मत प्राप्त गर्नुभयो । प्रतिद्धन्दि नेकपा माओवादी केन्द्रका घमण्डबहादुर खड्काले ३ सय ५२ प्राप्त गर्नुभयो । त्यस्तै सदस्यमा पनि कांग्रेस प्यानलकै रेवता खड्का गिरी, निर्मला दमाई, ताराप्रकाश खड्का र दलबहादुर खड्का विजयी हुनुभयो । 

यो गाउँपालिकामा नेकपा माओवादी केन्द्रले अहिलेसम्म कुनैपनि वडामा जित हाँसिल गरेको छैन् । तर अहिलेसम्म गाउँपालिका अध्यक्ष र उपाध्यक्षमा भने माओवादी केन्द्रका उम्मेदवारले अग्रता लिएका छन् । हालसम्मको मत परिणाम अनुसार अध्यक्षमा माओवादी केन्द्रका गणेशकुमार केसीले १ हजार ५ सय १६ मत ल्याउँदा कांग्रेसका अमरसिंह खड्काले १ हजार ३ सय २७ मत पाउनुभएको छ । 

त्यस्तै उपाध्यक्षमा नेकपा माओवादी केन्द्रका राजकुमारी रेउलेले १ हजार ४ सय ६८ मत पाउँदा कांग्रेसका सृष्टी बाँठामगरले १ हजार ३ सय ८२ मत पाउनुभएको छ ।