रुकुम पश्चिमको आठबीसकोट नगरपालिकाका ३ वडामा मतगणना सकिएको छ । वडा नम्बर १, २ र ३ नम्बर वडाको मतगणना सकिएको हो । यि तीन वटै वडामा नेकपा माओवादी केन्द्रको प्यानलै विजयी भएको छ । वडा नम्बर १ मा देवबहादुर घर्ती, वडा नम्बर २ मा देववहादुर यरी र वडा नम्बर ३ मा केशरमान विकको प्यानल विजयी भएको हो ।
घर्ती कांग्रेस–एमाले गठबन्धनका तर्फबाट एमालेका उम्मेदवारलाई ६५ मतले पराजित गरे । घर्तीले कुल ३ सय २१ मत पाउँदा एमालेका उम्मेदवारले लालबहादुर बुढाले २ सय २१ मत पाउनुभएको थियो । वडा नम्बर २ मा भने यरी ३ सय ४२ मतान्तरले विजयी हुनुभयो । उहाँका प्रतिद्धन्दि कांग्रेस–एमाले गठबन्धनबाट एमालेका उम्मेदवारले १ सय ३१ मत पाएका छन् ।
वडा नम्बर ३ मा भने माओवादी केन्द्रका विक १ सय ५ मतान्तरले विजयी हुनुभयो । विकले ४ सय ७८ मत ल्याउदा कांग्रेस–एमाले गठबन्धनका तर्फबाट कांग्रेसका उम्मेदवारले ३ सय ७३ मत पाउनुभयो । तीन वडाको मत परिणाम आईसक्दासम्म नगर प्रमुख र उप प्रमुखमा पनि माओवादी केन्द्रकै उम्मेदवार अगाडी छन् ।
