रुकुम पश्चिमको मुसीकोट नगरपालिका वडा नम्बर ३ मा पनि कांग्रेस–एमाले गठबन्धन विजयी भएको छ । नेकपा माओवादी केन्द्रका लोकबहादुर ददेललाई पराजित गर्दै गठबन्धनका दशरथ केसीको प्यानल विजयी भयो । अध्यक्षमा केसीले ४ सय ८ मत प्राप्त गर्दा माओवादी केन्द्रका ददेलले २ सय २४ मत पाउनुभयो । सदस्यमा मेघराम खत्री, खिमिकुमारी विक, खिमाकुमारी खत्री र रामबहादुर ओली विजयी हुनुभयो । 

३ वडाको मत गणना सकिदासम्म नेपाली कांग्रेस र एमाले गठबन्धनका उम्मेदवारले अग्रता बनाएका छन् । प्रमुखमा नेपाली कांग्रेसका महेन्द्र केसीले २ हजार ५५ मत ल्याउँदा नेकपा माओवादी केन्द्रका वसन्तकुमार शर्माले १ हजार ३ सय ६८ मत ल्याउनुभएको छ । त्यस्तै उप प्रमुखमा नेकपा एमालेका थलविर ओलीले १ हजार ७ सय ६८ मत ल्याएर अग्रता बनाउदा नेकपा एकीकृत समाजवादीका विमलकुमार पुनले १ हजार १ सय १४ मत ल्याएर पछ्याईरहनुभएको छ ।