रुकुम पश्चिमको मुसीकोट नगरपालिका वडा नम्बर ६ मा नेकपा माओवादी केन्द्रको प्यानलै विजयी भएको छ । वडाध्यक्षमा माओवादी केन्द्रका भानु मल्ल विजयी हुनुभयो । मल्लले नेपाली कांग्रेस–नेकपा एमाले गठबन्धनबाट एमालेका ध्रुबराज भण्डारीलाई पराजित गर्नुभयो । मल्लले ३ सय ७४ मत ल्याउनुभयो भने भण्डारीले ३ सय ५१ मत ल्याउनुभयो ।

त्यस्तै वडा सदस्यमा कृष्णा रावल, निर्मला रसाईली, अनिल बुढा र लक्ष्मण भण्डारी विजयी हुनुभएको छ । यो संगै माओवादीले मुसीकोटका ६ वडाको मतगणना सकिदासम्म २ वडामा विजय हाँसिल गरेको छ भने कांग्रेसले ४ वटा वडा जितेको छ । नगरपालिकामा कांग्रेस र एमालेले गठबन्धनले प्रमुख र उप प्रमुखमा सुरुवात देखि नै अग्रता लिएको छ ।