रुकुम पश्चिमको बाँफिकोट गाउँपालिकाको अध्यक्षमा नेपाली कांग्रेस र उपाध्यक्षमा नेकपा माओवादी केन्द्र विजयी भएको छ । अध्यक्षमा नेपाली कांग्रेसका जनककुमार बाँठा विजयी हुनुभयो । माओवादी केन्द्रका चन्द्रबहादुर केसीलाई ३१ मतको अन्तरले पराजित गर्दै बाँठा अध्यक्षमा निर्वाचित हुनुभएको हो । उहाँले ४ हजार ४ सय ५५ मत प्राप्त गर्दा नेकपा माओवादी केन्द्रका केसीले ४ हजार ४ सय २४ मत प्राप्त गर्नुभयो । 

उपाध्यक्षमा भने नेकपा माओवादी केन्द्रकी तारा बुढा केसीले ४ सय मतान्तरले जित्नुभयो । केसीले ४ हजार ५ सय ६० मत ल्याउदा प्रतिद्धन्दि नेपाली कांग्रेसकी नन्दाकुमारी केसी नाथले ४ हजार १ सय ६० मत पाउनुभयो । बाँफिकोटका १० वडा मध्यमा माओवादीले ८ वडा जित्दा कांग्रेसले २ वडामा जित्यो । कांग्रेसले जितेका २ वडा मध्यमा १ वडामा भने एमाले र कांग्रेसको गठबन्धन भएको थियो ।