रुकुम पश्चिमको सानीभेरी गाउँपालिका वडा नम्बर ९ मा एक बृद्धको सव फेला परेको छ । वडा नम्बर ९ को पेनेरीचौर देखि ५ सय मिटर सानीभेरी नदी तर्फ भिरमा सव फेला परेको जिल्ला प्रहरी कार्यालयले जनाएको छ । सानीभेरी गाउँपालिका वडा नम्बर ७ फुक्रुका ६२ वर्षिय धर्मजीत खत्री मृत अवस्थामा भेटिएको जिल्ला प्रहरी प्रमुख प्रहरी नायव उपरीक्षक विष्णुप्रसाद सोतीले जानकारी दिनुभयो ।

हिजो राती सव फेला परेपछि स्थानीयले खवर गरेको उहाँले बताउनुभयो । खत्री आईतबार घरबाट निस्किएको परिवारका सदस्यले बताएको प्रहरीले जनाएको छ । घटनाको अनुसन्धान चलिरहेको डिएसपी सोतीले बताउनुभयो ।