रुकुम पूर्वको भूमे गाउँपालिकाको अध्यक्ष र उपाध्यक्षमा नेकपा माओवादी केन्द्रका उम्मेदवारहरु विजयी भएका छन् । फराकिलो मतान्तर सहित अध्यक्षमा होमप्रकाश श्रेष्ठ र उपाध्यक्षमा सविना बुढा निर्वाचित हुनुभयो । श्रेष्ठ ३ हजार ९ सय ७५ मत ल्याएर निर्वाचित हुनुभयो ।

दोस्रो हुनु भएका मंगोल नेश्नल अर्गनाइजेशनका रतनबहादुर पुनको ५ सय ३ मत आएको छ । श्रेष्ठ र बुढाको मतान्तर ३ हजार ४ सय ७२ को मतान्तर छ । राष्ट्रिय जनमोर्चाका कमान पुनले ५६ मत ल्याउनुभयो । उपाध्यक्षमा निर्वाचित बुढाको पनि मतान्तर धेरै छ । बुढाले ३ हजार ९ सय ५१ ल्याउँदा एमाले कांग्रेस गठबन्धनका उम्मेदवार कमानसिङ डा“गीले १ हजार ३ सय ५५ मत ल्याउनुभयो ।

उपाध्यक्षको मतान्तर २ हजार ५ सय ९६ छ । ९ वडा रहेको भूमेमा ८ नम्बर वडा कांग्रेस र ४ नम्बर वडा एमालेले जितेको छ । अरु ७ वटा वडा माओवादी केन्द्रले जित हात पारेको छ । ८ नम्बर वडामा अध्यक्ष मात्रै कांग्रेसले जित्यो भने वडा सदस्य सबै माओवादी केन्द्रले जितेको छ । ४ नम्बर वडामा पनि एमाले र माओवादी केन्द्रबीच तालमेल भएको थियो । यहा“ पनि माओवादीका वडा सदस्य निर्वाचित भएका छन् ।