रुकुम पश्चिमको सानीभेरी गाउँपालिका अध्यक्ष विर्खबहादुर विष्टले पदभार ग्रहण गर्नुभएको छ । आज कार्यालयमा उहाँले पदभार ग्रहण गर्नुभएको हो । स्थानीय तहको दोस्रो निर्वाचनमा गाउँपालिका अध्यक्षमा निर्वाचित भएपछि विष्टले पदभार ग्रहण गर्नुभएको हो । विष्टसितै उपाध्यक्ष कमला रोकाले पनि पदभार ग्रहण गर्नुभएको छ ।

निवर्तमाण अध्यक्ष नरबहादुर पुन, उपाध्यक्ष इन्दिरा ओली, प्रमुख प्रशासकीय अधिकृत दिपक बुढाथोकी लगायतले उहाँलाई पदभार ग्रहण गराउनुभएको हो । त्यस अघि नव निर्वाचित अध्यक्ष विष्ट र उपाध्यक्ष रोकालाई गाउ“पालिकाले स्वागत गरेको थियो । निवर्तमाण पदाधिकारी र कर्मचारीले स्वागत गरेका थिए । एमाले, कांग्रेस गठबन्धनका उम्मेदवारलाई पराजित गर्दै विष्ट र रोका अध्यक्ष र उपाध्यक्षमा निर्वाचित हुनुभएको थियो ।