नेकपा माओवादी केन्द्र बाँफिकोट गाउँपालिका रुकुम पश्चिमका अध्यक्ष चन्द्रबहादुर केसी मतदाता भेटघाटमा लाग्नु भएको छ । स्थानीय तहको निर्वाचनका क्रममा मतदान गर्ने मतदातालाई धन्यवाद दिन, उनिहरुका कुरा सुन्नका लागि अध्यक्ष केसी मतदाता भेटघाटमा निस्कनु भएको हो ।

वैशाख ३० गते भएको स्थानीय तहको निर्वाचनमा केसी बाँफिकोट गाउँपालिका अध्यक्षको उम्मेदवार हुनुहुन्थ्यो । उहाँ ३१ मतले पराजित हुनुभयो । पराजित भएपनि उहाँ मतदातालाई धन्यवाद दिन निस्किनुभएको हो । २ नम्बर वडाबाट मतदाता भेटघाट कार्यक्रम सुरु भएको छ ।

५ र ६ का केही टोलमा भेटघाट तथा छलफलको कार्यक्रम सकेको अध्यक्ष केसीले बताउनुभयो । राजनीति सेवा हो यसैले नतिजा पक्षमा आयो कि आएन भन्ने कुराले अर्थ नराख्ने भन्दै उहाँले मतदाता भेटघाट थालेको बताउनुभयो । आफू गाउँपालिकाका १० वटै वडामा मतदाता भेटघाटमा लाग्ने र निरन्तर जनताको सेवामा खटिने अध्यक्ष केसीले बताउनुभयो ।