रुकुम पश्चिमको मुसीकोट नगरपालिकाको प्रमुखमा जीत हाँसिल गरेको कांग्रेस–एमाले गठबन्धनले मुसीकोट खलंगामा विजयी र्याली निकालेको छ । आज बिहान सबेरै आएको अन्तिम मत परिणाम अनुसार नगर प्रमुखमा गठबन्धनबाट नेपाली कांग्रेसका महेन्द्र केसी नगर प्रमुखमा निर्वाचित हुनुभएको थियो । नगर प्रमुखमा निर्वाचित भएपछि गठबन्धनमा आवद्ध दलका कार्यकर्ताहरु नगरभरबाट जम्मा भएर र्यालीमा सहभागि भएका थिए ।

वाजागाजा सहित हर्षोउल्लासका साथ कांग्रेस र एमालेका कार्यकर्ताहरुले खुशियाली मनाएका थिए । बजार परिक्रमा गरेर र्याली खलंगाको बराहटाकुरामा पुगेर कार्यक्रममा परिणत भएको थियो । कार्यक्रममा कांग्रेस नेता गोपालजि जंग शाह, केन्द्रीय सदस्य मानवहादुर नेपाली, कर्णाली प्रदेश महासचिव कृष्णबहादुर रोकाय लगायत नेता कार्यकर्ताहरुको सभागिता रहेको थियो । कांग्रेस-एमाले गठबन्धनबाट मुसीकाेटकाे प्रमुखमा नेपाली कांग्रेसका महेन्द्र केसी निर्वाचित हुनुभएकाे थियाे ।