रुकुम पश्चिमको मुसीकोट नगरपालिका वडा नम्बर ६ का वडाध्यक्षले पदभार ग्रहण गर्नुभएको छ । वडाध्यक्ष भानु मल्लले आज वडा कार्यालय भण्डारीकाँडामा पदभार ग्रहण गर्नुभएको हो । हिजो सपथ लिएपछि वडाध्यक्ष मल्लले आज पदभार ग्रहण गर्नुभयो ।

साथै नयाँ जनप्रतिनिधिलाई स्वागत र पुराना जनप्रतिधिलाई विदाई गरिएको छ । वसन्तकुमार गौतम नेतृत्वको यसअघिको जनप्रतिनिधिको टीमलाई विदाई गरिएको हो भने मल्ल नेतृत्वको टीमलाई स्वागत गरिएको मुसीकोट ६ को वडा कार्यालयले जनाएको छ ।