रुकुम पश्चिमको मुसीकोट नगरपालिका वडा नम्बर १३ ले वडा भरमा खर र फुसका छाना विस्थापित गर्ने भएको छ । वडाध्यक्ष खलबहादुर खड्काले पदभार ग्रहण गरेसंगै वसेको वडाको पहिलो बैठकले खर र फुसका छाना हटाई ५ वर्ष भित्रमा जस्तापाताका छाना राख्ने निर्णय गरेको हो । 

त्यस्तै वडा भित्रका गरिब, विपन्न, जेहेनदार, द्धन्दपिडित, सहिद परिवार र उत्कृष्ट विद्यार्थीलाई वडाले प्रोत्साहन स्वरुप पुरस्कृत गर्ने भएको छ । वडा भरका कृषकलाई पनि पुरस्कृत गर्ने वडाले निर्णय गरेको छ । कृषकका समस्यालाई मध्यनजर गर्दै वडाभरमा राम्रो गर्ने कृषकहरुलाई वार्षिक रुपमा पुरस्कृत गर्ने निर्णय भएको वडाध्यक्ष खड्काले बताउनुभयो । 

सुशासनलाई प्राथमिकता दिने उहाँले बताउनुभयो । वडावाबाट संचालन हुने सबै क्रियाकलाप सुशासन प्रत्याभुति हुने गरी काम गर्ने वडाध्यक्ष खड्काको भनाई छ । साथै वडाले सम्पूर्ण वडावासीमा आभार व्यक्त गरेको छ ।