रुकुम पूर्वको भूमे गाउँपालिकाले जनप्रतिनिधिको विदाई गरेको छ । स्थानीय तहको पहिलो निर्वाचनबाट निर्वाचित भइ ५ वर्षे कार्यकाल सकिएका निवर्तमान जनप्रतिनिधिको विदाई गरिएको हो । गाउँपालिकाको सभा हलमा औपचारीक कार्यक्रमको आयोजना गरी गाउँपालिकाका निवर्तमान अध्यक्ष, उपाध्यक्ष तथा वडाअध्यक्ष र सदस्यहरुलाई विदाई गरिएको हो ।
नवनिर्वाचित अध्यक्ष, होमप्रकाश श्रेष्ठ, उपाध्यक्ष सविना बुढा, प्रमुख प्रशासकीय अधिकृत चन्द्रसिङ श्रेष्ठ लगायतले कदर पत्र, दोसल्लाले विदाई गर्नुभएको हो । गाउँपालिकाका निवर्तमान अध्यक्ष रामसुर बुढा मगर, उपाध्यक्ष मनकुमारी बुढा विष्ट, १ नम्बर वडाध्यक्ष रामचन्द्र पुन, २ नम्बर वडाध्यक्ष नरबहादुर बुढा, ३ नम्बर वडाध्यक्ष दिलमान रोका, ४ नम्बर वडाध्यक्ष चंखबहादुर बुढा, ५ नम्बर वडाध्यक्ष टेकप्रसाद बुढालाई विदाई गरिएको हो ।
६ नम्बर वडाध्यक्ष देवबहादुर बुढा, ७ नम्बर वडाध्यक्ष धनमान रोका, ८ नम्बर वडाध्यक्ष पञ्चबहादुर रोका र ९ नम्बर वडाध्यक्ष प्रवेश पुनको विदाई गरिएको हो । यसमध्य ५ नम्बर वडाध्यक्ष टेकप्रसाद बुढा फेरि वडाध्यक्षमा निर्वाचित हुनुभएको छ । सोही कार्यक्रममै नव निर्वाचित गाउँपालिका अध्यक्ष श्रेष्ठ, उपाध्यक्ष बुढा सहित वडाध्यक्ष सदस्यलाई स्वागत गरिएको छ ।
१ नम्बर वडाध्यक्ष मनकाजी पुन, २ नम्बर वडाध्यक्ष नारायण पुन, ३ नम्बर वडाध्यक्ष प्रशुराम बुढा, ४ नम्बर वडाध्यक्ष श्यामप्रसाद बुढा, ५ नम्बर वडाध्यक्ष टेकप्रसाद बुढा, ६ नम्बर वडाध्यक्ष विक्रम पुन मगरलाई स्वागत गरिएको छ । ७ नम्बर वडाध्यक्ष संगम रोका, ८ नम्बर वडाध्यक्ष दिनेश रोका र ९ नम्बर वडाध्यक्ष विनोद बुढा सहित वडा सदस्यलाई पनि गाउँपालिकाले स्वागत गरेको छ ।
