रुकुम पश्चिमको मुसीकोट नगरपालिकामा ब्रह्माकुमारी इश्वरीय विश्व विद्यालय राजयोग प्रशिक्षण केन्द्रको भवन उद्घाटन गरिएको छ । आज एक कार्यक्रमका विच उक्त शाखा कार्यालयको भवन नगर प्रमुख महेन्द्र केसीले उद्घाटन गर्नुभएको हो । ब्रह्माकुमारी इश्वरीय विश्व विद्यालय रोजयोग प्रशिक्षण केन्द्रको भवन मुसीकोट नगरपालिका वडा नम्बर ५ मा निर्माण गरिएको छ । 

भवन उद्घाटन गर्दै नगर प्रमुख केसीले विद्यालयको भौतिक संरचना मात्रै नभएर यसले प्रदान गर्ने सेवाले महत्व राख्ने बताउनुभयो । समाज निर्माण र परिर्वतन  गर्नको लागि ब्रह्माकुमारी विश्व विद्यालयले महत्वपूर्ण भुमिका निर्वाह गर्नुपर्नेमा पनि उहाँले जोड दिनुभएको थियो । जिल्लामा विभिन्न किसिमका धार्मिक संघ सस्थाले पनि धर्म मार्फत समाजलाई परिर्वतन गर्न समाजमा भएका कुसंस्कार हटाई समाजलाई योगदान गरेर सहयोग गरेको प्रमुख केसीले बताउनुभयो ।

सामाजिक सेवा मार्फत, विकास निर्माण मार्फत मुसीकोट नगरपालिकालाई परिवर्तन गर्न चाहेको पनि उहाँले सुनाउनुभयो । उद्घाटन कार्यक्रममा जनप्रतिनिधि, विभिन्न विद्यालयका प्रध्यानाध्यापक लगायत विभिन्न व्यक्तिहरुको सहभागिता रहेको थियो ।