रुकुम पश्चिमका ६ स्थानीय तहमा कार्यपालिकाको निर्वाचन पनि सम्पन्न भएको छ । ३ नगर र ३ गाउँपालिकाको कार्यपालिका सदस्य निर्वाचन सकिएको हो । ३ नगरपालिकामा २४ जना र ३ गाउँपालिकामा १८ जना सदस्य कार्यपालिका निर्वाचित भएका छन् । नगर गाउँ गरी ४२ जना कार्यपालिका सदस्य निर्वाचित भएका छन् । नगर कार्यपालिकामा ८ जना र गाउँ कार्यपालिकामा ६ जनाका दरले सदस्य निर्वाचित भएका छन् ।

निर्वाचित सबै माओवादीका हुन् । मुसीकोट नगरपालिकामा एक जना समाजवादीका व्यक्ति निर्वाचित भएका छन् । उनि पनि माओवादीकै चुनाव चिन्हबाट निर्वाचन लडेका थिए । २ नगरपालिकामा मात्रै निर्वाचन भयो । आठबीसकोट र मुसीकोट नगरपालिकामा मात्रै कार्यपालिका सदस्य चयनका लागि निर्वाचन भएको थियो ।  चौरजहारी नगरपालिका, बाँफिकोट, सानीभेरी र त्रिवेणी गाउँपालिकामा निर्विरोध कार्यपालिका सदस्य निर्वाचित भएका थिए । आठबीसकोटमा कांग्रेस एमाले गठबन्धनका उम्मेदवारले १५ र माओवादी केन्द्रका उम्मेदवारले ४९ मत पाएका थिए ।

मुसीकोटमा एमाले कांग्रेस गठबन्धनका उम्मेदवारले ३३ एक जनाले ३४ मत प्राप्त गरेका थिए भने माओवादी केन्द्रका उम्मेदवारले ३९, १ जनाले ४० र १ जनाले ३७ मत प्राप्त गरेका थिए । कार्यपालिकाको मत परिणाम अनुसार जिल्लाका सबै पालिकाको कार्यपालिकामा माओवादी केन्द्रको बहुमत छ ।