ट्याक्टर दुर्घटना हुँदा दुई जनाको मृत्यु भएको छ ।  सिस्ने गाउँपालिका वडा नम्बर ४ स्थित दादिङमा रा १ त १६१६ नम्बरको ट्याक्टर दुर्घटना हुँदा एक महिला र एक किशोरको मृत्यु भएको प्रहरीले जनाएको छ । शुक्रबार राति भएको ट्याक्टर दुर्घटनामा परी दादिङकी ५० वर्षीया नन्दी बुढा र १५ वर्षीय आकाश बुढाको मृत्यु भएको जिल्ला प्रहरी कार्यालयका सूचना अधिकारी प्रहरी निरीक्षक कृष्ण खत्रीले जानकारी दिनुभयो ।

दुर्घटनामा परी ५९ वर्षीय ओइली पुन र ४५ वर्षका रुद्रबहादुर मल्ल घाइते भएका छन् । घाइतेका जिल्ला अस्पताल रुकुमकोटमा उपचार भइरहेको छ । ट्याक्टर चालक फरार छन् । गाडि दुर्घटनाबार अनुसन्धान भइरहेको प्रहरीले जनाएको छ । ट्याक्टर सडकमै छ । ट्याक्टरको हाइड्रोलिक उठेको अवस्थामा छ ।