रुकुम पश्चिमको बाँफिकोट गाउँपालिका ५ काँडामा रहेको बुरालमष्ट मन्दिरमा सिसि क्यामेरा जडान गरिएको छ । व्यक्तिगत लगानीमा मन्दिरमा सिसि क्यामेरा जडान गरिएको हो । सोही ठाउँका कमल केसी र नविन केसी दाजुभाइको लगानीमा मन्दिरमा सिसि क्यामेरा जडान गरिएको बुढुमष्ट क्षेत्र विकास कोषको संरक्षक ध्रुवराज केसीले जानकारी दिनुभयो ।

४० हजार बढीको लगानीमा मन्दिरमा सिसि क्यामेरा जडान गरिएको हो । मन्दिर र मन्दिर परिसरको सुरक्षाका लागि सिसि क्यामेरा जडान गरिएको मन्दिर व्यवस्थापन समितिले जनाएको छ । गत वर्ष मात्रै मन्दिर भित्र रहेको नगद चोरी भएको थियो । उक्त चोरी भएको नगद हालसम्म पनि फेला पर्न सकेको छैन । मन्दिर व्यवस्थापन समितिले मन्दिरमा सौर्य प्रणाली र इन्टरनेट जडानको पनि योजना बनाएको छ ।