रुकुम पश्चिमको आठबीसकोट नगरपालिका वडा नम्बर १० मा रहेको जनविकास मावि घारीखोलामा स्थापना गरिएको जन्मोत्सव अक्षयकोषमा सहयोग रकम जम्मा हुनेक्रम जारी छ । अक्षयकोषमा विभिन्न व्यक्तिहरुले आफ्नो जन्मदिनको अवसरमा रकम जम्मा गरिरहेका छन् । 

यसैक्रममा सोही वडाकी तुला बुढाथोकीले आफ्नो २७ औं जन्मदिनकाे अवसरमा १० हजार रुपैंया सहयोग गर्नुभएको छ । जन्मदिनमा हुने खर्चलाई कटाएर विद्यार्थीको पठनपाठनमा सहयोग पुगोस भन्ने उदे्श्यले स्थापना गरिएको कोषमा सहयोग गरेको बुढाथोकीले बताउनुभयो । 

बुढाथोकीले हाल काठमाडौंको द न्यु समिट सेकेण्डरी स्कुलमा पठनपाठन गराईरहनुभएको छ । कोषमा सहयोग गर्ने बुढाथोकीलाई विद्यालयले धन्यवाद व्यक्त गरेको छ । विद्यालयको समग्र विकास तथा विद्यार्थीको पठनपाठन सहयोग पुगोस भनेर विद्यालयमा जन्मोत्सव अक्षय कोष स्थापना गरिएको हो ।