रुकुम पश्चिमको त्रिवेणी गाउँपालिका वडा नम्बर २ सिम्रुतुमा पहिलो वडा अध्यक्ष कप खेलकुद प्रतियोगिता कार्यक्रम  सुरु भएको छ । वडा नम्बर २ को पहिलो वडा अध्यक्ष  कप खेलकुद प्रतियोगिताको  आयोजना वडा खेलकुद विकास समिति त्रिवेणी २ ले गरेको हो  । उक्त कार्यक्रमको उद्घाटन  नेकपा माओवादी केन्द्रका त्रिवेणी गाउँपालिका अध्यक्ष गणेशबहादुर खड्काले ब्यानर पढेर  गर्नुभएको हो  ।

पहिलो वडा अध्यक्ष कप खेलकुद प्रतियोगिता असार १ गते सम्म सन्चालन हुने आयोजकले जनाएको छ । आयोजकका अनुसार पुरुष भलिबल प्रतियोगितामा  छिमेकी जिल्ला रोल्पा सहित १७ समूहले सहभागीता  जनाएका छन् ।  पुरुष भलिबल प्रतियोगितामा प्रथम हुनेले ३० हजार सहित कप प्रमाणपत्र, दोस्रो हुनेले २० हजार सहित कप  प्रमाणपत्र प्राप्त गर्दा  तेस्रो हुनेले १० हजार सहित कप प्रमाणपत्र प्राप्त गर्नेछन् ।  

पहिलो वडा अध्यक्ष कपमा  हाजिर जवाफ,लोक दोहोरी, एकल नृत्य र भाले तान्ने प्रतियोगिता पनि सञ्चालन गरिने वडा  खेलकुद  विकास समितीका अध्यक्ष मिलन विक्रम पुनले जानकारी दिनुभयो । उद्घाटन कार्यक्रम वडा नम्बर २ का वडा अध्यक्ष मोतीराम पुन, नेकपा माओवादी केन्द्र  २ नम्बर वडा अध्यक्ष तुल्सिराम बुढाथोकी, आमा समूह, खेलाडी, सुरक्षाकर्मी लगायतको उपस्थिति रहेको थियो ।