चट्याङ लागेर एक जनाको मृत्यु भएको छ । रुकुम पश्चिमको मुसीकोट नगरपालिका ६, गवारीका अन्दाजी ४२/४३ वर्षीय भिमबहादुर बोहराको मृत्यु भएको हो । शुक्रबार बेलुकी ८ बजेतिर परेको चट्याङ लागेर बोहराको मृत्यु भएको हो । चट्याङ लागेका बोहराको घरमै मृत्यु भएको प्रहरीले जनाएको छ । बोहराको शव पोष्टमार्टमका लागि जिल्ला अस्पताल सल्ले लगिएको छ ।

चट्याङ लागेर बोहराकी ३५ वर्षीया श्रीमती सीता घाइते भएको जिल्ला प्रहरी प्रमुख प्रहरी नायव उपरीक्षक ध्रुवकुमार श्रेष्ठले जानकारी दिनुभयो । घाइते सीताको जिल्ला अस्पताल सल्लेमा उपचार भइरहेको डिएसपी श्रेष्ठले जानकारी दिनुभयो । सीताको दाया खुट्टा, दाया हात तथा शरिको दायातर्फको भागमा चोट लागेको छ । खाना खाएर अगेनाको आगो तापेर बसिरहेका बेला चट्याङ परेको थियो । हल्का हर्काइएको ढोकाबाट भित्र पसेको चट्याङले बोहरालाई लागेको बताइएको छ ।