रुकुम पश्चिमको मुसीकोट नगरपालिका वडा नम्बर ३ का १४ वर्षिय वालक वेपत्ता भएका छन् । वडाको धैरेनीचौरका कमल खड्काका १४ वर्षिय छोरा शिशिर खड्का जेठ २० गतेदेखि परिवारको सम्पर्क विहिन भएका हुन् । जेठ २० गते दिउँसो करिब १ बजे घरबाट निस्किएको र त्यसपछि आजसम्म परिवारको सम्पर्कमा नरहेको परिवारजनले बताएका छन् ।

सवैतिर खोजी गर्दापनि फेला पार्न नसकिएको बालकका बुवा कमलले बताउनुभयो । छोराको खोजीका लागि नेपालगञ्जसम्म पुगिसकेको उहाँको भनाई छ । खोजी गर्ने क्रममा नेपालगञ्जको गाडीमा चढेर गएको भन्ने जानकारी पाएको र उक्त गाडीलाई बुझ्दा नेपालगञ्जमा ओर्लिएको जानकारी गराएको उहाँले बताउनुभयो ।

सोलाबाङबाट आफ्नै नाममा टिकट काटेर नेपालगञ्जसम्म पुगेको पाईएको उहाँको भनाई छ । नेपालगञ्जमा खोजी गर्दा कतैपनि फेला पार्न नसकिएको बताईएको छ । वेपत्ता शिशिरले त्रिभुवन जनता मावि खलंगाबाट कक्षा ८ को परीक्षा दिएका थिए । छोरालाई फेला पार्ने जो कोहीले नजिकको प्रहरी कार्यालय तथा आफ्नो मोबाईल नम्बर ९८४७८६९१९८ मा फोन गर्न बुवा कमलले अनुरोध गर्नुभएको छ ।