असार १५ भित्र अन्तिम भुक्तानी लिइसक्न त्रिवेणी गाउँपालिकाको अनुरोध
रुकुम पश्चिमको त्रिवेणी गाउँपालिकाले आर्थिक वर्ष २०७८/०७९ को वार्षिक स्वीकृत बजेट तथा कार्यक्रमको भुत्तानीको लागि असार १५ गते भित्र कागजात सहित गाउँपालिकाको कार्यालयमा सम्पर्क गर्न अनुरोध गरेको छ । गाउँपालिकाले असार १ गते सूचना जारी गदै असार १५ गते भित्र कागजात सहित गाउँपालिकाको कार्यालयमा आउन भनेको हो ।
गाउँपालिकाको विनियोजित बजेट तथा कार्यक्रमबाट पालिका भित्रका विभिन्न वडाहरुमा सञ्चालन भईरहेका विकास निर्माणका योजना तथा कार्यक्रमहरुको अन्तिम भुत्तानी लिनको लागि त्रिवेणी गाउँपालिकाले अनुरोध गरेको हो । असार १५ गते भित्र प्रकिया पुरा गरी आवश्यक कागजात पेश नभएको खण्डमा कार्यालयबाट भुत्तानी गर्न नसकिने प्रमुख प्रशासकीय अधिकृत प्रेमबहादुर घर्ती र लेखा शाखा प्रमुख डम्बरबहादुर सुनारले निकालेको सूचनामा उल्लेख गरिएको छ ।
प्रकाशित मिति: बिहीबार, असार २, २०७९ १२:१३
प्रतिक्रिया दिनुहोस्
थप स्थानीय सरकार
साताको लोकप्रीय
