रुकुम पश्चिमको चौरजहारी नगरपालिकामा पालिका स्तरीय पुरुष फुटबल प्रतियोगिता सुरु भएको छ । नगरपालिका प्रमुख पुष्प वादीले प्रतियोगिताको उद्घाटन गर्नुभयाे । जिल्ला खेलकुद विकास समितिको आयोजनामा पालिका स्तरिय फुटवल प्रतियोगिताको आयोजना गरेकाे हाे । वडा नम्बर २ मा रहेको रंगशालामा प्रतियोगिता सुरु भएको जिल्ला खेलकुद विकास समितिका कार्यालय सचिव लिलाप्रसाद ढकालले जानकारी दिनुभयो ।

जिल्लाका ६ वटा पालिका मध्येमा प्रतियोगितामा तीन ओटा मात्र नगरपालिकाले सहभागिता जनाएका छन् । जिल्लामा पहिलो पटक पालिका स्तरीय फुटबल प्रतियाेगिता आयोजना गरिएको कार्यालय सचिव ढकालले बताउनुभयाे । उहाँका अनुसार प्रतियोगिताको विजेताले ७० हजार नगद, कप, मेडल र प्रमाणपत्र प्राप्त गर्ने छ । उपविजेता टिमले ४० हजार नगद,कप, मेडल र प्रमाणपत्र   प्राप्त गर्दा सेमिफाईनलमा पुग्ने टीमले २० हजार नगद कप, मेडल र प्रमाणपत्र  पाउने अध्यक्ष ढकालको भनाई छ ।

तर तीन स्थानीय तहले मात्र भाग लिएपछि सहभागी सबैले पुरस्कार पाउने भएका छन् । एउटा पुरस्कार भने फिर्ता हुने भएकाे छ ।