रूकुम पश्चिमकाे चाैरजहारीमा आयाेजित प्रथम पालिका स्तरीय फुटबल प्रतियाेगिताकाे उपाधि मुसीकाेट नगरपालिकाले जितेकाे छ । वडा नम्बर २ स्थित रंगशालामा आज भएकाे फाईनलमा चाैरजहारी नगरपालिकालाई पराजित गर्दै मुसीकाेटले उपाधि जितेकाे हाे । मुसीकाेट ३-२ गाेलले विजयी भयाे । याे संगै मुसीकाेटले समूह चरणकाे हारकाे वदला समेत लिएकाे छ ।

समूह चरणकाे खेलमा मुसीकाेट चाैरजहारीसंग ४-० गाेल अन्तरले पराजित भएकाे थियाे । दाेस्राे खेलमा भने मुसीकाेटले आठबीसकाेटलाई हराएकाे थियाे । चाैरजहारीले भने समुहका दुबै खेल जितेकाे थियाे । पहिलाे खेलमा मुसीकाेटलाई हराएकाे चाैरजहारीले दाेस्राे खेलमा आठबीसकाेटलाई हराएकाे थियाे । जिल्ला खेलकुद विकास समिति रूकुम पश्चिमले आयाेजना गरेकाे प्रतियाेगितामा ३ वटा स्थानीय तहले भाग लिएका थिए ।

विजेता बनेकाे मुसीकाेटले नगद ७० हजार, कप, मेडल र प्रमाणपत्र पाएकाे जिल्ला खेलकुद विकास समितिका कार्यालय सचिव लिलाप्रसाद ढकालले जानकारी दिनुभयाे । उपविजेता चाैरजहारीले ४० हजारमा चित्त बुझाएकाे छ । आठबीसकाेटले २० हजार परस्कार पाएकाे ढकालले बताउनुभयाे ।