रुकुम पश्चिमको आठबीसकोट नगरपालिकामा जिप दुर्घटना हुँदा २ जनाको मृत्यु भएको छ । जाजरकोटको रिम्नाबाट रुकुम पश्चिमको आठबीसकोट नगरपालिकाको राडीबजार आउँदै गरेको लु १ ज १८९७ नम्बरको जिप दुर्घटना हुँदा २ जनाको मृत्यु भएको प्रहरीले जनाएको छ ।

आठबीसकोट नगरपालिका–११, को छोटेटारमा  जिप दुर्घटना हुँदा जिप चालक बाँफिकोट गाउँपालिका–८, दुलीका २४ वर्षीय कविराम विक र मुसीकाेट नगरपालिका वडा नम्बर ११ का कमल खड्काको मृत्यु भएको जिल्ला प्रहरी कार्यालयका प्रमुख, प्रहरी नायव उपरीक्षक विष्णुप्रसाद सोतीले जानकारी दिनुभयो ।

दुवै जनालाई दुर्घटना स्थलबाट आठबीसकोट नगर अस्पतालमा पुर्याइएको थियो । उनिहरुलाई अस्पताल पुर्याएपछि मृत घोषणा गरिएको थियो । जिप सडकभन्दा झण्डै २ सय मिटर तल भेरी नदीको किनारमै पुगेको डिएसपी सोतीले जानकारी दिनुभयो । गाडिमा अरु कोही पनि सवार नरहेको बताइएको छ ।