रुकुम पश्चिमको मुसीकोट नगरपालिका वडा नम्वर १० का किसानलाई गहुँ केलाउने पंखा वितरण गरिएको छ । वडाका किसानलाई २१ ओटा गहुँ केलाउने पंखा वितरण गरिएको हो । वडाका सबै टोलका किसानको लागि पंखा वितरण गरिएको वडा अध्यक्ष धनबहादुर खड्काले जानकारी दिनुभयो ।

उहाँका अनुसार उक्त पंखा वडामा रहेका विभिन्न टोल विकास संस्थामा रहने छन् भने आवश्यक परेको बेला सबै किसानले प्रयोग गर्न पाउने छन् । हावा नलागेको बेला किसानलाई गहुँ ओसाउन अर्थात केलाउन भइरहेको समस्यालाई मध्यनजर गर्दै पंखा वितरण गरिएको उहाँले बताउनुभयो । वडाको कृषि प्रवद्र्धन कार्यक्रम अन्तरगत पंखाको व्यवस्था गरिएको वडा अध्यक्ष खड्काले बताउनुभयो ।